Untitled Document Sabaragamuwa Provincial Council 2016 ජාතික තත්ත්ව සම්මාන උළෙලේ දී සබරගමුව පළාත් රාජ්‍ය සේවා කොමිෂන් සභාව කුසලතා සම්මානයක් දිනා ගනී
Sabaragamuwa Provincial Council
National Creast සබරගමුව පළාත් සභාව English | தமிழ்
Provincial Flag
SABARAGAMUWA PROVINCIAL COUNCIL
சப்பிரகமுவ மாகாண சபை
වෙසක් මල - සබරගමුව පළාත් පුෂ්පය
අප "වෙසක් මල" නමින් දක්නා උඩවැඩියා මලෙහි උද්භිද නාමය "DENROBIUM MACCARTHAIAE" (ඩෙන්රෝබියම් මැකාර්තී) වේ. එසේ නම් කලේ 1864 වසරේ මෙරට සිට මහ ලේකම්වරයෙකු වු මැකාර්තී මහතාගේ බිරිඳගේ නමිනි.

අපට හුරුපුරුදු "වෙසක් මල" තෙත් වැසි වනාන්තර වල ගස් කඳන් වල වැවේ. එහෙයින් සිංහරාජ හා සිරිපා අඩවියෙහි බහුලව දැකිය හැකිය.

මෙහි මුදුන් මුලක් නැත. ඒක බීජ පත්‍ර ශාඛයකි. "ඕකිඩාසේ" කුලයට අයත් අපි ශාඛයකි. මුල් දෙවර්ගයකි. ගසකට හෝ වැලකට ඇලව සිටින ආලග්න මුල් හා කඳෙහි හටගෙන එල්ලෙන වායව මුල් වශයෙනි. මුල් බිස්සක් සේ වැවේ. මුල් සුදු පැහැයට හුරු දම් පාට වේ. පත්‍රයන් තදැති බවක් පෙන්වන්නේ අධික ලෙස ජලය රඳවාගෙන ඇති නිසාය. එහි පත්‍රයක් සෙන්ටිමීටර 4 සිට 8 දක්වා දිගු වේ.

මලක පැහැය ලා දම් වේ. එක් ඉත්තක මල් 10-50 ත් අතර තිබේ. මසක් පමණ කල් පර නොවේ. කෘමින් මඟින් පුෂ්පරාග පරාගනය වේ. බීජ සුළඟ මඟින් ව්‍යාප්ත වේ. එක් දිලීර වර්ගයක් පාදක කොට ගෙන වැඩී පෝෂණය වේ.

බුදුහිමියන්ගේ තෙමඟුල සිදුවු වෙසක් මාසයේ පිපෙන මෙම උඩවැඩියා මලට එදා සමාජය "වෙසක් මල" යැයි නම් තැබුවා විය හැක. එමෙන්ම බුදුන් වහන්සේගේ සිරිපා ලකුණ තැබු සමන්ත කූඨය ආශ්‍රිතව මෙම ශාඛය බහුලව දක්නට ලැබීමද සුවිශේෂී දෙයකි.

ජනගහනය අධික වීම නිසා සිදුව ඇති පරිසර විනාශයද, මල් ලෝලීන් විසින් පරිසරයෙන් ගලවාගෙන යෑමද නිසා "වෙසක් මල" සීඝ්‍රයෙන් වඳවෙමින් පවතී.

අන්තර් ජාතික ස්වභාවික සම්පත් සංරක්ෂණ සංවිධානය (IUCN) විසින් වඳවීමේ තර්ජනයට මුහුණ දෙන ලෝකයේ ජීවීන් හා පැලෑටි අතරට මෙයද ඇතුලත් කර ඇත. එය රතු දත්ත පොතටද (RED DATA BOOK) ඇතුලත් කර ඇත.

පාරිසරික සහ ස්වභාවික සම්පත් අමාත්‍යාංශය මඟින් 2005 වර්ෂයේදී පළාත් පුෂ්පය ප්‍රකාශයට පත් කිරීමේදි සබරගමුව පළාත් පුෂ්පය වශයෙන් වෙසක් මල තෝරා ගෙන ඇත.