நாட்டின் ஏழு மாகாணங்களுக்கு தண்ணீர் , மலசலகூடம் பெற்று கொடுக்கும் வேலைத்திட்டம் ஆரம்பிக்கப்பட்டுள்ளது. இதற்கென 26500 மில்லியன் ரூபா நிதி ஒதுக்கீடு செய்துள்ளது.
இதற்கான நிதியை இலங்கை அரசு மற்றும் ஐக்கிய நாடுகள் அமைப்பு வழங்கி உள்ளதுடன், பொது மக்களும் ஒத்துழைப்பு வழங்கி உள்ளார்கள்.
2015ஆம் ஆண்டு ஆரம்பிக்கப்பட்ட மேற்படி திட்டம் இரத்தினபுரி, கேகாலை, பதுலை. மொனராகல, நுவரெலியா, முல்லைத்தீவு, கிளிநொச்சி ஆகிய ஏழு மாவட்டங்களில் நடைமுறைப்பட்டு வருவதோடு 2020ஆம் நிறைவடைய உள்ளதும் குறிப்பிடத்தக்கது.
சப்ரகமுவ மாகாணத்தின் இரத்தினபுரி மாவட்டத்தில் பலாங்கொடை பம்பஹின மற்றும் சப்ரகமுவ பல்கலைக்கழக வளாகத்திலும் கேகாலை மாவட்டத்தில் கலிகமுவ பிரதேச வளாகத்திலும் நீர் திட்டங்கள் அமைக்கப்பட்டு வருகின்றது.
இதன் மூலம் சப்ரகமுவ பல்கலைக்கழகம் ஆரம்பிக்கப்பட்டதிலிருந்து ஏற்பட்டுவரும் தண்ணீர் பிரச்சினைக்கு தீர்வு காண முடியும்.
இவ்வாறு நாட்டின் ஏழு மாகாணங்களிலும் நீர் திட்டங்கள் அமைக்கப்பட்டு நீர் வழங்கல் வடிகால் அமைப்பிடம்
ஒப்படைக்கப்பட உள்ளது.
மேற்படி திட்டத்தின் மூலம் கிராமிய மற்றும் நகரை அண்மித்த பிரதேசங்களில் மலசலகூடம் அமைத்து கொடுக்க நடவடிக்கை எடுக்கப்பட்டுள்ளது. ஒரு மலசலகூடம் அமைப்பதற்கு தலா ஐம்பது ஆயிரம் ரூபா வீதம் ஒதுக்கீடு செய்யப்பட்டுள்ளது.
அத்தோடு மேற்படி திட்டத்தின் கீழ் அரச பாடசாலைகள் மற்றும் வழிபாட்டுத்தளங்கள் என்பவற்றுக்கு தண்ணீர் மற்றும் மலசலகூடம் என்பன அமைத்து கொடுக்கப்பட உள்ளதும் குறிப்பிடத்தக்கது.
சப்ரகமுவ மாகாணத்தில் ஆரம்பிக்கப்பட்டுள்ள மேற்படி வேலைத்திட்டம் குறித்து மாகாண ஆளுநர் தம்ம திசாநாயக்க கவணம் செலுத்தி வருகின்றார்.
எம்பிலிபிட்டிய துங்கம சமூக நீர் நிலையத்தை சப்ரகமுவ மாகாண ஆளுநர் தம்ம திசாநாயக்க அண்மையில் நேரில் சென்று பார்வையிட்டதுடன் சமூக நீர் அமைப்பு குழுவினர்களுடனும்
அவர் கலந்துரையாடினார்.
மேற்படி கலந்துரையாடலில் சப்ரகமுவ மாகாண அமைச்சுக்களின் செயலாளர்கள் பணிப்பாளர்கள் உட்பட அதிகாரிகளும் கலந்து கொண்டனர்.

Thinakkural News Papers 18-05-2019 ... See more